【名家給力場】捕捉醫療板塊呢浸升浪要快(上)

【Now財經台】踏入12月，港股似乎承接唔到11月嘅升勢，恒指仍未收復到19000點關口，「股市漁夫」創辦人莊志雄認為，港股絕對唔係轉勢，並估計大市好難衝破19000點呢個區間頂。

不過，Lewis表示，醫療板塊集體出現突破訊號，睇好港股後市嘅投資者可以留意。雖然未見有基本面消息，但唔少股份喺10月中出現突破訊號後，至今已錄得雙位數升幅，例如亞盛醫藥(06855)自10月18日出現突破訊號，至今已累升43%。

佢又提醒，買咗重磅股、藍籌、ETF等，同大市表現相關產品嘅投資者，趁恒指升至19000水平就係時候減倉。