【專家分析】反不正當競爭法幫到美團？

【Now財經台】美團(03690)股價已連跌兩日，噚日下晝突然急挫，一度瀉10%，原因係市監局擬修訂針對數字經濟嘅反不正當競爭法公開徵求意見，經營者唔可以利用數據、演算法、技術等影響用戶選擇，美團股價即時有反應，但呢個影響會持續幾耐？平台經濟監管未來會點發展？

艾德金融期貨部主管文錦輝指，呢啲監管其實無可厚非，因為唔少電商都係利用收集返嚟嘅大數據誘導消費者消費，所以提出監管係一件好事，相信對平台經濟影響唔會好大，始終中國人口龐大會帶來一定經濟收益，依家提出清晰嘅監管，美團可以避免將來「踩界」被罰。

Felix又稱，美團今個星期五出業績，估計表現唔差，由於美團喺國內冇同類競爭對手，可以保持龍頭位置，前景相對樂觀。