【名家給力場】股市谷底反彈要等...(上)

【Now財經台】港股上星期單日勁彈過千點後，之後又跌過，恒指暫時連跌第5日，累跌逾1500點，其實唔止港股弱，外圍市況都幾差，不過，亞太區股市今日叫做定返少少，到底呢個尋底格局仲要持續幾耐？

勝利瑞柏基金管理合伙人暨投資總監陳建良指，跌市無謂估底，因為根本好難估，亦意義唔大，即使美國通脹回落，聯儲局放慢加息步伐，都救唔到個市。

KL又話，股市要喺谷底反彈，要等一啲「事情」發生，例如今日日圓跌穿146，令央行唔止放慢加息步伐，而係急速增加流動性，到時先可能對大市有影響。