【名家給力場】美股熊市勁彈非好事？(上)

【Now財經台】美股呢兩日勁彈，係咪一嗰轉勢訊號？係咪要Beta勁嘅股份如科技股，要升得多過傳統股份先係股市轉勢，呢兩日情況係咪咁？

「股市漁夫」創辦人莊志雄指，正常如果見到聯儲局QE，會見到納指表現會好過標指，不過，過去兩日嘅情況唔係咁，納指表現係差過標指，更重要係，最差股市例如德國及英國，呢2個股市如果計埋匯率表現，都係之前跌市嗰陣表現較差，年初開始計跌得較勁，反彈嘅時候表現得好過標指，反映通常熊市時跌得勁，反彈亦會勁啲。

Lewis又話，美股噚晚及前晚都升超過2.5%，過往見到升幅比較大嘅日子，大部分時間都係發生喺熊市期間，睇返過去近100年，最勁嗰100個升幅日，睇返分布有近60%喺熊市入面，反映單日升得勁，同連續2至3日升得勁，喺股市或歷史角度，呢個唔係正面消息。