【專家分析】英鎊快見底反彈？

【Now財經台】市場噚日開始猜測英倫銀行會緊急加息，一度帶動英鎊回升，雖然之後英倫銀行行長貝利發聲明，試圖安撫市場，指會就英鎊貶值進行全面評估，並會毫不猶豫地採取相應行動，但市場似乎唔太受落，英鎊再遭拋售，英鎊未來會點走？

潤淼資產管理董事盧志威指，英鎊依家成個走勢有小小過度反應，今次呢個半世紀以來，最大規模減稅計劃的確係出乎市場預期，低稅率的確有助刺激經濟，因爲歐美唔少稅項都較重，為咗吸引富裕人士去英國，呢個措施係無可厚非，中長期而言，亦會對英國經濟有正面影響，但市場依家聚焦匯率，主要係美元近期強勢，導致匯率波動性較大。

William又話，英鎊應差唔多見底，短期有機會反彈，而匯市場短期亦應該開始回穩。