【專家分析】科技股今年打定輸數？

【Now財經台】美股3大指數今年跌幅介乎17%至29%，由於債息持續飆升，對科技股嘅估值造成好大影響，標普500資訊科技類指數(SPLRCT)今年已累跌近28%，標指同期就累跌21%，根據最新點陣圖顯示，聯儲局未來兩次議息會議，即11月及12月如無意外都要繼續加息，嘁債息不斷扯高下，科技股喺今年餘下時間係咪都好難有轉機？

華盛証券分析師聶振邦指，投資者都要有心理準備，美國科技股嘅下行壓力的確較大，因為科技股融資需求比傳統股大好多，而加息步伐未有放慢減跡象，科技企業會面對融資挑戰。聶Sir又話，當美國經濟壓力較大時，科技股嘅營業額會有下行壓力，但另一方面融資成本上升，一旦處理唔到呢個情況，科技股有機會面對虧損嘅狀況。