【專家分析】議息後美股「彈」定「散」要睇...

【Now財經台】美國聯儲局噚日起展開一連兩日嘅議息會議，並於香港時間周四凌晨2時公布結果，美國喺首日議息全線向下，債息就連續第2日抽升，美國2年期債息進一步逼近4厘，10年期債息就一度升穿3.6厘。商品方面，大宗商品及油價都要跌，金價就繼續向下。聯儲局今晚公布議息結果後，市場會點反應？

艾德證券期貨投資策略總監文錦輝指，不論最終加息0.75厘，甚至1厘，其實都唔係太重要，市場最關心反而係聯儲局主席鮑威爾喺會後記者會嘅言論，如果佢「放鴿」，話加埋今次息，通脹似乎已見頂，未來會調整加息步伐及幅度，相信美股有機會反彈。

Felix又話，聯儲局為咗遏通脹，不惜付出經濟代價，而加息嘅影響已經開始浮現，一旦加息造成嘅殺傷力太大，唔係咁容易解決。