我的股票

    名稱 現價 升跌

    資料報價延遲十五分鐘

    【FINTERVIEW】遊戲股玩唔過?

    【分析】 2022/09/14 11:52

    【Now財經台】內地通過新一批遊戲版號,合共73款國產遊戲獲批,當中電腦遊戲佔3款、主機遊戲佔1款,其餘全屬手遊,除咗中手游(00302)、心動公司(02400)、嗶哩嗶哩(09626)有份,遊戲股龍頭網易(09999)及騰訊控股(00700)旗下騰訊遊戲今次終於有份。

    不過,東亞銀行投資產品及顧問部股票策略師陳偉聰指,對遊戲股仍然審慎,雖然內地今年第1季已復批遊戲版號,但大部分獲批都係迷你遊戲及休閒遊戲,吸金力、吸客力都唔及硬核遊戲,加上內地仍未放寬成年人打機時間限制,反映當局仍未放寬遊戲監管,相關企業嘅盈利仍面對挑戰。

    另一方面,市場憧憬iPhone 14可刺激內地手機需求及出貨量,但摩根士丹利就潑冷水,指手機行業喺明年上半年前都冇復甦潛力。

    Jason就話,依家內地經濟下行,消費者換機會比以前謹慎,所以需求亦會細咗,不過,內地有好多iPhone死忠粉絲,加上新機定價唔算進取,相信仍會掀換機潮,相關設備供應商或會受惠,相反,中低檔定位嘅內地安卓手機品牌就冇咁吃香。

    陳偉聰
    uSMART盈立證券研究部總監