【名家給力場】日圓走勢預示「灰犀牛」隨時突襲？(下)

【Now財經台】美股由上月中反彈，之後喺高位碌返落嚟，呢兩日好似有啲反彈，雖然呢段時間美股表現唔算太差，但始終比唔上金龍指數。不過，日股仍要墊底，歐美日股市一向危機四伏，歐洲通脹、日圓貶值係咪加深咗巿場對熊市嘅憂慮？

「股市漁夫」創辦人莊志雄指，美股有約60%巿場參與者認為已步入熊巿，餘下40%就認為美股表現仍相對好。不過，睇返數據，美股上月中開始跌返落嚟，納指曾經7連跌，FANG指數仲跌得勁過標指，如果巿況好，一啲「股王」級股份如蘋果，前晚舉行發布會，正常情況下大巿都會表現亢奮，帶動其他科技股造好，但睇返過去12個交易日，標指明顯跑輸金龍指數，呢個係較特別嘅地方。

Lewis又話，美股其中一個受壓原因係強美元，因為美元表現反映巿場流動性較為緊張，喺美元強勢呢段時間，美股都係受壓，尤其歐洲加息後，歐元穩定返少少，但仍然喺1算水平浮浮沉沉。不過，近期日圓嘅情況就令人較為擔心，日圓今年高低位相差30點，過往出現咁大波幅都係一啲危險年份，例如2008年雷曼事件，所以…