【期匯決算】買美元要等到...

【Now財經台】美國噚晚公布嘅私人職位數據遜預期，市場隨即下調周五出爐嘅8月非農新增職位預測至29.8萬份，不過，克里夫蘭聯儲銀行總裁梅斯特最新指，唔認為聯儲局明年有減息條件，又預期聯邦基金利率明年目標喺4厘以上。

美國8月就業數據轉弱，聯儲局官員言論又愈來愈鷹派，對過去兩周一直受制於109水平嘅美匯指數有咩影響？

亨達集團助理總經理羅明立認為，距離議息會議仲有20幾日，要睇埋遲啲公布嘅8月通脹數據，先可以更準確判斷經濟狀況，若通脹回落幅度唔大，甚至進一步上升，9月加息0.75厘嘅機會較大，反之通脹回落，加上其他經濟數據疲弱，就可能只加0.5厘。

Patrick又話，美匯指數最近兩度升至109水平後，就冇力再上，認為投資者可以等美匯指數回落至108水平先吸納。