【名家給力場】港交所造好造淡都唔值博(下)

【Now財經台】市傳中美雙方好快就中概股審計問題傾掂數，中方准美國監管部門派人嚟香港審計底稿，如果中美達成協議，喺美國上市嘅中概股可能唔使退市。受消息刺激，中概股暫時連升2日，仲帶領恒指上返20000點。不過，對港交所(00388)來講就唔係好消息。

勝利瑞柏基金管理合伙人暨投資總監陳建良指，市場之前憧憬中概股喺美國退市後會來港上市，繼而刺激港股成交，不過，依家幾隻最大型中概股已經喺港交所上市，其他仲喺美國嘅中概股可能唔符合港交所上市要求，即使合資格又未必有成交配合，結果帶唔起港股。

KL提到，近期大市成交咁奀係因為外資冇興趣投資港股，就算港股多咗中概股，美資或會擔心美國禁止投資部分公司。佢又話，港交所股價處於低位，預期未來價格波幅會慢慢收窄變成橫行格局，所以現水平造好、造淡都唔值博。