【專家分析】港股唔怕地緣政局擦槍走火？

【Now財經台】多家傳媒引述消息指，美國眾議院議長佩洛西今晚會抵達台北，明日行程包括跟蔡英文會面，中方表明唔會坐視不理，外交部發言人趙立堅話，如果佢敢去，就等大家拭目以待。有分析認為，依家中美關係50年前尼克遜訪華以來最差，對區內股市，尤其A股及港股會帶來幾大風險？

潤淼資產管理董事盧志威指，市場最主要係擔心地緣政局會出現擦槍走火嘅狀況，但相信相關消息已經消化得七七八八，雖然今日市場氣氛比較低迷，但未至於會突然急瀉嘅情況，而睇返環球股市走勢，其實美股仍處於高位，所以投資者唔需要過分緊張。