【名家給力場】美股強港股弱原因係...(下)

【Now財經台】美股近日「連過3關」，經歷聯儲局再加息、公布GDP、季績期，都可以持續反彈，反觀港股又再下試20000點關口，應該點解讀美股嘅反彈勢頭，以及港股嘅弱勢？

勝利瑞柏基金管理合伙人暨投資總監陳建良指，美股反彈係因為聯儲局預告唔再急進加息，會後聲明亦承認經濟放緩，所以市場預期經濟會陷入衰退，通脹就會降溫，不過，佢認為美股仲未見底，通脹亦有可能再度失控。

至於港股弱勢，KL相信，主要係受政治陰霾困擾，市場關注美國眾議院議長佩洛西亞洲之行，係咪包括訪問台灣，如果佩洛西真係訪台，中方會唔會採取軍事行動暫時係未知之數，相信呢啲壓力會令港股繼續下試低位，唔排除恒生指數再失守20000關。