【FINTERVIEW】美對華削關稅 要留意規模及時限

【Now財經台】有報道指，美國總統拜登最快今個星期宣布，撤銷部分對華關稅，可能包括暫停對服裝和學校用品等消費品嘅關稅，並將推動更廣泛嘅框架，允許進口商申請關稅豁免。如果落實對市況有幾大支持？

高富金融投資總監梁偉民指，投資者要留意落實細節，包括涉及的項目及時效性等等，認為今次削關稅係暫時性嘅機會較大，因為相信拜登係想透過暫時豁免部分關稅，令美國通脹短暫回落。

另外，梁偉民相信，決定同政治有關，美國中期選舉年尾舉行，拜登希望喺通脹議題上挽回民望，因為萬一中期選舉有太大失利，喺國會會失去主導，對執政有好大影響。