【名家給力場】「契媽股」繼續同標指拍住上？(上)

【Now財經台】「股市漁夫」創辦人莊志雄上周曾經喺節目講過，美股有機反彈，睇返過去一星期嘅市況，的確見到反彈，其中彈得最高係ARKK，但標指走勢只係一般，應該點解讀唔同資產嘅表現？

莊志雄指，通常跌得殘嘅股份，反彈會勁啲，中資股喺今年3月跌得好犀利時，中概金融指數ETF之後係彈得最勁，其實依家成個美股，跌得最殘係「契媽類」股份，已跌到2020年低位附近，加上呢啲屬於高Beta工具，對指數敏感度較高，當指數彈高時，有機會同指數一齊彈，反彈幅度甚至以倍數計，依家股市開始反彈，如果揸虛擬貨幣，呢個「終極泡沫」就彈唔起，最近受追捧嘅能源、石油，睇返過去一星期，能源指數ETF都係跌。

Lewis認為，不論標指或納指，甚至ARKK都會繼續彈，至於中概或中資股，見到滬深300都造得幾好，跑贏美股、歐股及日股，中資股亦跑贏美股，其實今年3月之後已見到呢個情況，佢估計，情況應該會持續。