【名家給力場】能源ETF有貨冇貨點部署？(下)

【Now財經台】美股自3月中股市低位至今，喺各類ETF之中，能源板塊係一支獨秀，不過，之前能源股表現強勢，美國眾議院議長佩洛西提出，要防止油企抬價，可能會收暴利稅或管規價格，市場一窩峰衝去買能源板塊，其實係咪好危險？

「股市漁夫」創辦人莊志雄指，現時美股盈利增長大部分係靠能源企業或石油公司支撐住，但由於油價飆升，美國汽油價格創緊新高，民眾怨聲載道，加上好多人係「月光族」，要靠信用卡借貸生活，導致循環借貸數字飆升，佢估計，美國政府喺呢方面會「做嘢」，到時唔多唔少會削弱能源企業未來嘅賺錢能力。

Lewis又話，標普500指數喺3月中見過低位後，成功收復部分失地，主要靠能源板塊升咗22%撐住，如果唔係標指跌得仲甘，依家資金一面倒湧入能源板塊，即所謂「擠擁交易」，冇貨就唔建議追，有貨就可以逐步推高止賺位，睇下可以升幾耐，一旦有重磅消息出，例如控制價格，走勢可以急速逆轉。