【期匯決算】澳元隨時彈一彈又跌過

【Now財經台】澳洲大選由工黨勝出，相隔9年再度執政，澳元兌美元今朝走強，升至71美仙樓上，係咪反映市場對大選結果反應正面？

獨立外匯商品分析師盧楚仁指，如果依家話市場對大選結果反應正面，仍然係言之尚早，澳元回升主要係美匯指數回落。佢又話，雖然唔排除工黨勝出可以修補中澳關係，但如果內地經濟短期仍繼續下行，相信澳元後市都幾麻煩，加上依家環球經濟持續下行，認為澳元後市不太樂觀，唔排除澳元彈一彈又跌過。