【名家給力場】港股唔上唔落等緊乜？(上)

【Now財經台】港股最大賣點係市盈率平(PE)，只得7.5倍，但好消息唔多，最新有人行減5年期LPR，但力度又唔算好大，疫情持續，雖然封控措施鬆咗手，但好多小區仲實施緊，市場信心始終唔大，但港股又跌唔落，點評估後市嘅走勢？

勝利瑞柏基金管理合伙人暨投資總監陳建良指，港股自舊年2月、3月起跌到依家，估值一定係平，加上內地生產力較強，政府亦對企業有一啲限制，唔想加價加得太快，所以通脹壓力較細，所以會有「放水」空間。

KL又認為，港股暫時仲未有一個明確嘅方向，又易受外圍因素影響，例如歐洲爆發一啲危機如滯脹，到時外圍跌，港股好難唔跟，亦唔排除港股再下試3月低位。