【名家給力場】美CPI出爐Bitcoin或彈一彈(上)

【Now財經台】美股近期大幅波動，市場關注到底跌完未，美國今晚會出4月通脹數據，如果睇返唔同資產，連風險資產都大跌，例如虛擬貨幣比特幣(Bitcoin)回調咗約20%，係咪反映市場依家處於Risk Off狀態？

「股市漁夫」創辦人莊志雄指，虛擬貨幣係一個指標，如果跌得急，唔多唔少都會影響美股，上個月好多人預期5月會反彈，結果冇彈之餘仲要跌。佢又話，虛擬貨幣喺5月開局係跌得多，原因係穏定幣開始唔穏定，而Bitcoin係一個指標，反映投資者肯唔肯去炒，而虛擬貨幣及相關股票，例如Coinbase，同埋近年年輕人好鍾意用嚟做炒賣工具，就係3倍嘅納指ETF，叫TQQQ，因為玩呢啲都係同一班人，所以牽一髮動全身。

Lewis又話，「Bitcoin教主」Michael Saylor係Microstrategy CEO，舊年叫人按埋層樓去買Bitcoin，佢間公司舉埋債去買Bitcoin，Bitcoin同納指及科技股關連性好高，而呢啲投資者都係好短線，依家應該會畀人Call孖展，所以呢啲投資產品全部跌晒落去，今輪跌浪就係跌呢啲，至於幾時會反彈，Lewis話不排除今晚出CPI數據會彈或挾淡倉，但之後...