【FINTERVIEW】內地通脹溫和上升利谷經濟

【Now財經台】國統局今朝出咗4月內地居民消費價格指數(CPI)、工業生產者出廠價格指數(PPI)，兩個數據都高過預期，CPI按年升2.1%，係5個月以嚟最高，PPI升幅就放緩，國統局就話，雖然數據超預期，但只係溫和上升。

光銀國際董事總經理兼研究部主管林樵基指，佢認同國統局嘅講法，4月通脹升幅溫和，加上全球通脹上升已成定局，只係上升速度快慢，同埋點應對。佢又話，內地通脹主要受能源帶動，但可以喺民生及食物方面對沖，即增加供應及用本土貨品，其實內地都做得幾好，所以見到食品都係向下調。Banny續指，內地今年通脹目標係約3%，現時仲有距離幾遠，喺通脹溫和上升下，令內地有空間做刺激性政策去推動經濟。