【期匯決算】美匯指數未必繼續衝高？

【Now財經台】美匯指數一度衝上逾20年高位，環球股市、商品期貨、加密貨幣齊跌，市場避險情緒高漲，資金係咪會繼續湧入美元避難？美匯指數係咪可以挑戰更高水平？

資深外匯分析師陳欣指，除聯儲局加息外，避險情緒升溫都利好美元，不過，聯儲局主席鮑威爾曾預告，將會喺6月或7月加息0.5厘，收緊貨幣政策嘅步伐，似乎冇預期咁快，反映華府對經濟其實唔係太有信心，尤其就業參與率唔夠高，通脹會繼續升溫，加息反而會對經濟有較嚴重嘅負面影響。Chase又話，未來要視乎經濟有冇條件支持加息，如果繼續有資金流入，美匯指數先有機會繼續向上。