【FINTERVIEW】 5月投資以防守為主

【Now財經台】美股噚晚又急瀉，市場恐慌情緒升溫，港股今朝一度插逾800點，依家無論股、債、非美貨幣、大宗商品，甚至比特幣(Bitcoin)都係一個尋底格局，其中Bitcoin同高位比較已「腰斬」咗一半，所有資產都跌到一仆一碌，依家除咗美元，係咪冇乜資產係安全？

渣打香港財富管理投資策略主管梁振輝指，過去一段時間，資產市場的確出現顯著調整，雖然價位調整咗，但實際變化唔多，以美國加息為例，上次加0.25厘，今次加0.5厘，合共只係加0.75厘，同舊年底市場預期嘅3厘或以上水平仍有一段距離，整體市況調整係快過市場應該反映嘅情況。

Will又話，喺經濟前景唔太明朗下，可留意商品、金融板塊，尤其後者喺美國不斷加息下，唔多唔少都可以受惠，佢認為，5月都係以防守為主，同埋留意有幾多負面因素已反映喺股價上。