【專家分析】美股反Cup要睇通脹

【Now財經台】美股又冧，標指噚晚插穿4000點，更造出今年第20個低位，係1977年以來最多，納指亦挫逾4%，係10個交易日內第3次。美國聽日會出通脹數據，由於市場估計已見頂，有機會係舊年8月以嚟首度回落，如果通脹一如市場預期降溫，美股有冇機會反撲？

潤淼資產管理董事盧志威指，市場係想組織返一次反彈，但可以彈幾耐係一大疑問，而最近嘅狀況係有好消息都唔彈，如果通脹真係回落，最少都會彈返一兩日及回穩返。不過，睇返近日美股嘅洗倉情況，的確係幾得人驚，唔止股市，連匯市、加密貨幣都「洗」埋落去，反映有一個蔓延嘅跡象。

William又話，科技板塊下跌同業績冇關，應該同殺估值有關，但由於唔知會持續幾耐，建議投資者再等一等。