【名家給力場】港股恐下試18000點水平

【Now財經台】A股今日大幅下滑，上證指數更失守3000點，仲拖埋港股落去，恒指20000點都頂唔住，圍繞股市嘅壞消息多到數唔晒，美國加息愈嚟愈鷹，上海封城已經4個星期，但疫情仲未降溫，北京感染個案又增加等，個個消息都足以推低大市，咁嘅環境下應該點部署？

《香港股票財技密碼》作者梁杰文認為，投資者必須謹慎，近期嘅壞消息都幾重磅，例如美國加息步伐加快，見到人仔、港匯嘅貶值速度加快，加上過去1個月市場最關心嘅上海疫情又未受控，及至近日擔心北京有機會封城，都會影響對內地經濟及投資嘅信心，今日A股大跌，雖然港股今日失守20000點後，一度上返去，估計月結前都會走弱，最保守睇可能會落返上個月中低位，即18000點水平，睇下有冇機會造到雙底，現階段對後市都唔係咁樂觀，除非內地救市措施嚟得又多又快。