【名家給力場】恒指有機再穿底?(上)
【分析】 2022/04/22 15:21
【Now財經台】港股午後曾兩度拗腰輕微倒升,但就唔夠力,之後都跌返落去,睇實最終係咪要4連跌,其實壞消息真係一籮籮,中概股退市陰霾未散,聯儲局加息又愈吹愈鷹,人仔近日又急跌,港匯又逼近弱方兌換保證,雖然港股弱氣氛差,但都冇上個月咁恐怖,後市會唔會再穿底?
勝利瑞柏基金管理合伙人暨投資總監陳建良指,依家市場最擔心內地嘅封控措施,同埋人仔貶值壓力,美國持續「收水」,中國就「放水」,導致人仔貶值係必然嘅事。至於港股,佢就話恒指今輪跌勢,應該唔會好似上個月咁大波幅,同埋唔會再爆發斬倉潮,但仍然好大機會會試下個底。
KL又稱,投資者要留意人仔貶值,會令收息股嘅價值下降,年初大家睇好嘅收息股,例如內銀股、電訊股、能源股都要小心。
陳建良 勝利瑞柏基金管理合伙人暨投資總監 |