我的股票

    名稱 現價 升跌

    資料報價延遲十五分鐘

    【名家給力場】倘內地物流出事「火燒連環船」(上)

    【分析】 2022/04/13 16:24

    【Now財經台】俄烏戰事已持續個幾月,內地亦因為再爆發疫情而封城,對宏觀經濟嚟講一定係唔樂觀,只差在睇得有幾悲觀,到底市場嘅悲觀情緒去到咩水平?

    「股市漁夫」創辦人莊志雄指,經濟樂觀指數已急插水,呢種情況以往係好少見,唯一可以比較到,就係睇到2000年12月指數由正數急插至負數,當時嘅背景係科網股泡沫爆破,而今次就有科技股泡沫爆破風險,兩個背景都有相似嘅地方,如果加埋歐債危機,可以係一個幾嚴重嘅問題。

    Lewis又話,整體資產格方面,最近除歐洲、科技股急挫外,4月返嚟之後,有啲對經濟好敏感嘅板塊都突然急插水,例如成個半導體板塊今年已累跌超過20%,如果投資者用跌20%作為熊市定義,咁半導體股已進入熊市,過去半年見到唔少投資者撈台積電、Nvidia等半導體股,但愈跌愈撈已成手蟹貨。

    莊志雄續指,同環球經濟息息相關嘅南韓股市,4月返嚟後,南韓股市ETF急挫,唔知係咪同近期嘅內地疫情有關,而未來物流可能會受影響,不過,一旦內地物流受影響,有機會燒返去環球股市、經濟。

     

    莊志雄
    「股市漁夫」創辦人