【名家給力場】港股今季再尋底？(上）

【Now財經台】環球股市第1季表現認真麻麻，恒指於3月一度跌至近十年低位，而多個歐美股市指數表現亦係前年第1季疫情以來最差，港股第2季走勢係咪都唔樂觀？

勝利瑞柏基金管理合伙人暨投資總監陳建良指，港股上季跌到咁，主要係畀歐洲股市拖累，俄烏戰事方面，投資者根本冇可能知道兩邊傾成點，反而打仗引發嘅餘波，例如重建、供應鏈等，甚至外國畀咗咁多資助，係唔會就咁收手，呢啲都有排傾。

KL又話，食品通脹持續升溫，對歐洲通脹影響非常大，意大利及德國通脹急升，最令人擔心係「歐豬」國債冇人買，歐元下跌，債息急升，未必有能力還債，所以唔排除港股仲未見底。