我的股票

    名稱 現價 升跌

    資料報價延遲十五分鐘

    【專家分析】減定磅等股市大突破

    【分析】 2021/06/09 12:19

    【Now財經台】美銀證券嘅環球金融壓力指數最新跌到舊年2月底,即疫情全球大流行前嘅水平,市場情緒由恐慌慢慢變到好,就炒復甦、疫苗接種等利好因素,但唔多唔少都反映咗喺市況上,依家係咪已經炒到水尾?

    艾德證券期貨投資策略總監文錦輝指,水尾就唔敢講,但指數跌到咁低,其實係一個機會,任何投資市場環境側埋一邊,市場一定會有一個突如其來嘅變動,咁就要等下。佢又話,之前市場覺得環球央行有「收水」迹象,但睇返美國經濟、就業數據,似乎唔會咁快「收水」,依家個市喺高位橫行,有波幅但冇乜升跌幅,好多人喺呢段時間減磅等機會,萬一環球股市再向上突破,到時追返嗰度力係幾大,推返高個波幅,所以唔使太擔心。

    文錦輝
    艾德證券期貨投資策略總監