我的股票

    名稱 現價 升跌

    資料報價延遲十五分鐘

    【名家給力場】炒新經濟股不如煲航運股

    【分析】 2021/05/21 15:54

    【Now財經台】港股今日反覆向下,主要受噚日出業績嘅騰訊控股(00700)拖累,不過,唔係隻隻新經濟股都跌,快手(01024),京東健康(06618)、平安好醫生(01833)等就逆市升,新經濟股後市仲有冇運行?

    冠域商業及經濟研究中心主任關焯照估計,騰訊暫時仍要捱沽,股價有機會跌至570元水平,投資者依家唔適宜買貨。關博士又話,雖然有幾隻新經濟股有機會「染藍」,帶挈科指逆市升,但由於科指已逼近保歷加通道中軸,再升空間唔多,佢認為現階段經濟股不宜沾手。

    至於屬舊經濟股嘅能源、航運股,關焯照話,資源股受惠於復甦概念,之前受投資者追捧,不過,國務院總理李克强表示,要做好能源「保供應、穩價格」,能源股即急回,如果想買能源股,只可以趁股價跌得深時,買入博反彈。不過,關博士睇好航運股,好似太平洋航運(02343)、中遠海控(01919)今日都有得彈,又認為航運股後市唔會太差。

    關焯照
    冠域商業及經濟研究中心主任