我的股票

    名稱 現價 升跌

    資料報價延遲十五分鐘

    【FINTERVIEW】散戶唔好死跟基金換馬

    【分析】 2021/02/23 11:29

    【Now財經台】港股嘅科技指數近日顯著調整,可唔可以解讀為資金由較貴嘅股份,換馬至較平嘅股份?例如資源價格上漲就買入呢類股份,又或者舊經濟股、落後股,然後狂掟新經濟股,而隨著開始接種疫苗,就連賭股今朝都大升。

    富邦銀行投資策略及研究部主管潘國光指,如果基金過去一年揸重新經濟股、科技股,帳面已經有好豐厚嘅利潤,而基於投資組合嘅考慮,都要焗住減磅,所以就會見到一個轉移情況,但基金經理都唔會沽清新經濟股,所以應理解為新經濟股獲利回套,但Vicks提醒,散戶唔好跟基金調配,宜跟大勢落注,例如睇好資源股、落後股就買少少,千其唔好沽晒某類股,再押注某個板塊,必須有一個基本平衡。

     

    潘國光
    富邦投資策略及研究部主管