我的股票

    名稱 現價 升跌

    資料報價延遲十五分鐘

    【專家分析】唔好「睇死」第二季經濟

    【分析】 2019/04/10 11:39

    【Now財經台】美國總統特朗普話,要向過百億美元嘅歐盟貨品徵稅,加埋IMF睇淡全球經濟,道指連跌兩日,標指八連升斷纜,納指都要跌。

    富邦香港投資策略及研究部主管潘國光話,雖然道指跌咗兩日,但其實美股已經升咗三個幾月,喺低位反彈超過20%,市場搵藉口獲利回套係好合理,依家最重要係留意第二季業績表現。

    潘國光又話,IMF調低今年經濟增長預測亦都好合理,因為之前貿易戰不明朗同埋股市大冧,的確好影響商業、投資信心,但依家中美貿易談判有進展,估計第二季經濟數據應有改善。

    潘國光
    富邦投資策略及研究部主管