【now.com財經】噚日揀咗隻恒指熊(65317)出嚟，終極借日線圖100線唔過+出「射擊之星」+畫埋條「上升通道」頂線唔過向下回；而喺下半場見指數稍為回升，即日見16,600點築底，所以喺[下半Part]都Set咗以小時圖10線作為量度線。
今朝恒指開市微升10點後，恒指喺開市首五分鐘行出「長十字星」，Chok無朋友；就算到依家10點7分，見指數上/下影線乜都出齊兼有大陰/大陽燭都喺五分鐘圖上面「晒冷」咁，真係快到就算之前已經有戰友話我打字同畫圖快，快到小畫家都欠我一個公道，但今日點畫點打都唔夠個市快，慶幸嘅係戰友們見到一啲技術形態出現之後，都即時自行「比出反應」，到我畫圖拉線後已經同步量度好埋爬格仔嘅線位，所以今日都未至於無tea食。
而我...出名懶，所以喺作戰室見五分鐘圖上有「平頂」出現後淡倉比出，亦終於有種苦盡甘來嘅感覺，因為見恒指終於有方向，喺10點40分時見小時圖指數終於都踩到落去保歷加通道底線，但由於保歷加通道喺小時圖上以平衡方式展現，同步亦見Slow STC(14.3)兩線亦回落到超賣水平，小心明日28號除咗波叔出嚟講《財政預算案》之外，亦都係期指結算日，恒指有無本事回落到去日線圖10線暫時未知，不過去到呢個位，過夜(65317)亦都可以功成身退。
以10點型11點期間，小時圖保歷加底線見16475點計，即喺今朝10點35分時指數已經到達呢個水平，如常的用10分鐘作為走(65317)的話，期內高低位做過0.071元/0.068元，平均沽貨價為0.0695元，換言之(65317)過夜嘅話，呢一注平均有26.36%賺幅。
由於(65317)分咗兩個位作目標，喺【月度報告】上面會用呢注再計出平均數而入賬。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
