【now.com財經】話咁快，今個新年又過咗，望望月曆今日都已經26號，即係2024年咁又過咗兩個月，睇返恒指年頭嗰時有17,000點樓上，不過當時被50天線頂住，線出阻力指數向下回落。一落一上之後，兩個月後再見恒指已經上破咗條50線，仲去到100線前添；但係形態上指數於100線前出現咗「射擊之星」；而點數計以上周五(2月23日)計，指數只係去返16,700點。
今朝恒指開市跌40點之後，到依家9點50分，實在第一注倉都未知出乜好，因為指數連佢自己想行去邊都唔知，上上落落轉燈都唔知轉咗幾多次，畫畫下出咗個「三角形」，動作快嘅戰友喺呢個拉到盡都只係得100點嘅範圍裡面做swing係得嘅，但係有幾多個真係可以咁快手？無嘢要急嘅，等市有明顯方向先至再追都唔遲。
仲有5分鐘先至到10點，睇小時圖見暫時指數喺10/20線之間出現「倒T星」，又唔係高位出現，即係唔算係「射擊之星」；但依家出現係唔係低位，變成「倒轉錘頭」？真係未知，反正依家10點鐘，只係呢粒燭嘅開始。
恒指熊(65317)，收回價17,100點，同現價有約370點距離，槓桿有約36.36倍，以呢個槓桿計用嚟今日Day trade都可以，反正依家10點8分，恒指喺小時圖上已經過埋條中軸，今日下望條保歷加底線Ok嘅，同步望住Slow STC(14.3)兩線仍然保持向下勢頭最好；比較想嘅係，借日線圖100線唔過+出「射擊之星」+畫埋條「上升通道」睇埋見頂線唔過向下回，又唔係想佢回到死嘅，喺「上升通道」裡面借頂底兩線慢慢搖返上去都幾健康呀，唔到底線咪耐少少，睇下到唔到10線囉。
重申，Day Trade的話見小時圖保歷加底線唔係唔得，比較有耐性嘅話嘗試等一等五分鐘圖Slow STC (14.3)上返去超買時先至再出淡倉，借多一個圖同一個方向走到嘅話，勝算多一份耶。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
