【財經TOP SEARCH】快手短線不宜睇淡

【Now財經台】截至早上11時止，1小時內《彭博》用戶關注度上升最多港股，依次為快手(01024)、泡泡瑪特(09992)、中國移動(00941)、紫金礦業(02899)、騰訊控股(00700)。

科網股今早(23日)繼續強勢帶挈大市，不過快手、阿里巴巴(09988)年至今仍然跌8%至9%，市場炒追落後嘅快手今日最多升過7%，一次收復10天、20天、50天及100天線，但距離季績公布有一段時間，加上內地消費復甦疲弱，市場仍正觀望未來電商增長，快手股價前景如何？

富途證券高級策略師譚智樂指，今日整體科指成分股表現都有發力向上，快手7%嘅升幅更遠高於科指，業務表現過去一年亦由虧轉盈，加上未來出業績有機會支持股值，所以快手短線唔好睇得太淡，至於電商業務，喺現時大環境下難有爆發性增長，但大部分互聯網平台喺廣告業務方面會有較好表現，如騰訊及阿里巴巴上季度嘅廣告業務成績都有驚喜。

Arnold又指，預計快手未來業績唔會遠高於市場預期，所以短線都係以炒落後為主。