【Now財經台】騰訊控股(00700)股價今早(6日)一度高見370.6元，資金就追捧淡倉，5日合計，有約3000萬元資金坐貨，較貼價嘅PUT價外20%以上，行使價272元，年底到期，槓桿6至7倍。熊證方面，收回價普遍10%以內，槓桿做到11至22倍，投資者揀條款時有咩要留意？
中信里昂股權衍生品銷售經理李佳原表示，騰訊牛熊證都有收回風險，如果收回價10%以內，由於近期騰訊上升動力大，因此，股價短時間內升10%唔係冇可能，但投資者要留意高槓桿嘅貼價熊證，收回風險都好高。至於同樣受歡迎嘅PUT輪就可以避開收回風險，加上近期引伸波幅支持力度強，投資者都集中留意270元至280元較價外嘅條款，因為槓桿較高。
