【Now財經台】美國電動車生產商Tesla行政總裁馬斯克(Elon Musk)突閃電式訪華，消息指，內地當局暫時批准Tesla推出全自動駕駛(FSD)系統，集團亦會同百度集團(09888)展開FSD相關合作，喺內地推廣應用FSD。Tesla美股隔晚(29日)一度飆20%，到底Tesla同百度「強強聯手」威力有幾大，利好效應又可以持續幾耐？
高富金融集團投資總監梁偉民認為，Tesla同百度嘅合作難有即時效果，因為自動駕駛要喺內地推出及廣泛使用，技術層面上嘅要求好高，監管層面上，一旦發生意外，責任誰屬亦要取得社會共識，因此，佢認為短時間內好難做到。
Wyman續指，無人駕駛需要大量感應器及複雜嘅電腦計算，由於成本極高，好難短時間內做到高效益使用。股價方面，Tesla對上5個交易日累計，已自低位反彈逾30%，Wyman形容市場對Tesla睇法過度樂觀及亢奮，建議投資者必須審慎。
