【Now財經台】中證監發布5項資本市場對港合作措施，其中包括將房地產投資信託基金(REITS)納入滬深港通產品範圍，領展房產基金(00823)上星期低位見30.15元，之後都有買盤吸納，受惠中證監嘅措施，今日投資者偏向追好倉定食糊多?
中信里昂股權衍生品銷售經理李佳原指，近年香港股市受北水主導，將REITS納入滬深港通產品有利領展股價，上星期跌穿31元後，大市有資金流入CALL輪，今日股價反彈就即刻食糊，而即市輪證暫時靜觀其變，向上同向下嘅選擇都有。CALL輪方面，有比較貼價CALL，行使價37.5元，實際槓桿有大約8倍；而PUT輪方面，行使價30元，係市場唯一價外PUT輪，佢提醒投資者要留意往後輪證資金流，再考慮入市。
