【now.com財經】呢幾日都真係陰陰天，但又咁講喎，咁嘅天氣先至好瞓喎；又再話分兩頭喎，咁嘅天氣作戰室有戰友病咗，大家都要保重身體。
今朝恒指開市報16,819點，升86點，彷佛見到有少少陽光，同時見指數擺位亦都靠近返上方熊證街貨層。作戰室一早準備定好倉，只係大家都睇住嘅係如同噚日下午喺電台所指嘅日線圖150線遲遲未破，呢個位或者係好倉今日高衝嘅止賺位先。
果然，指數喺開市後奮力向上高衝至見17,006點，稍稍高於日線圖150線嘅16,929點，不過高衝一下之後無力度即刻喺五分鐘圖上出現上影線，變變下仲開始見「射擊之星」，喚醒大家要準備棄淡轉好。
知道喺呢度都係用返小時圖容易捉路啲嘅，但其實喺小時圖都見到有類似「射擊之星」之類嘅物體出現，suppose淡傴喺小時圖上都可以出動。
恒指熊(61656)，收回價17,250點，同現價有逾380點距離，槓桿有約35.14倍夠做Day Trade，依家10點38分，指數升幅縮窄返落去今朝開市位附近，即係都低於小時圖借噚日嘅「平頂」位架啦，出得架啦，睇住下面啲線嚟逐線逐線打啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容【開市前速報】，七日免費試用：https://www.patreon.com/join/cbbcwar
