【Now財經台】截至早上10時45分止，1小時內《彭博》用戶關注度上升最多首5隻港股，依次為騰訊控股(00700)、申洲國際(02313)、中國石油化工股份(00386)、中國銀行(03988)、建設銀行(00939)。
騰訊股價升穿100天線，今朝低開1%後，隨即掉頭向上，半日最多升逾2%，高見307.6元。據內媒報道，騰訊將為蘋果公司(Apple Inc.)嘅混合實境頭戴裝置Vision Pro提供重要應用程式。
資深證券分析師彭偉新認為，雖然市場對Vision Pro評價好壞參半，但見到騰訊有新動作，可以同國際科技巨企合作開發新業務，令唔少投資者對集團前景更樂觀。
Castor續指，近日明顯見到多咗資金流入股份，除咗騰訊績後持續回購，北水亦狂掃騰訊，昨日(26日)淨買入錄得逾8億元，帶動股價昨突破過去2個月嘅主要雙底及頸線，即297元水平，預期將進一步觸發資金流入，短線繼續帶動股價向上。
