【Now財經台】截至早上11時止，1小時內《彭博》用戶關注度上升最多港股，依次為李寧(02331)、紫金礦業(02899)、舜宇光學(02382)、友邦保險(01299)及安踏體育(02020)。
李寧今朝(20日)出咗業績，去年少賺近22%，派息大減約60%，但股價照升，有分析指，集團庫存有回穩跡象，而上季線上銷售又好過預期，係咪可以令市場重拾對集團嘅信心？
資深證券分析師彭偉新指，短期嚟講，由於李寧股價已跌到好殘，所以再跌空間唔多，而庫存回穩的確可以令市場恢復對公司嘅信心。
Castor續指，整體渠道銷售方面，集團情況唔係市場講到唔差，甚至跑贏部分內地品牌，因此，佢認為集團最情況已過。佢補充，李寧主攻內地市場，唔似其他品牌喺海外進行大規模收購，反映李寧逐漸重回正軌，對扭轉未來業績有一定幫助。
