【Now財經台】大市兩連跌下，近2日相繼出業績嘅體育用品相關股有返啲聲氣，先有361度(01361)績後造好，今日(14日)輪到裕元集團(00551)炒起。
其實裕元去年業績唔算靚仔，收入按年跌12%，雖然成本下降但純利仍要跌7%至2.74億美元，不過毛利率創5年新高，靠穩24.4%水平。究竟有咩因素刺激裕元股價逆市急升逾33%，仲創1年高位？
耀才證券研究部總監植耀輝指出，公司主要客戶Adidas上日(13日)喺業績表示睇好大中華區表現，加上公司派息比率高達70%，末期股息又同2022年一樣，每股派0.7港元，佢認為裕元派息前景唔錯，而且股份爆升後仲有近10厘股息率，屬吸引水平。Stanley續指，公司另一大客Nike下周四(21日)公布業績，可以憧憬管理層對今年業務展望樂觀，到時再幫裕元股價更上一層樓。
至於同業申洲國際(02313)，月底出業績前獲花旗唱好並加入30日股價正面催化名單，Stanley預期股價可以上望75元，不過…
