【Now財經台】據內媒報道，遭評級機構穆迪降評級至垃圾級別嘅萬科企業(02202)，獲工商銀行(01398)及建設銀行(00939)等合共12家銀行，幫集團籌800億人仔貸款，用嚟應對到期嘅債券。此外，《彭博》昨日(12日)收市後報道，銀行會將持有嘅萬科債權轉換為有抵押品嘅「非標準化債權」，短期係咪可以幫到萬科？
潤淼資產管理董事盧志威指，雖然萬科評級已變「垃圾」，但銀行都願意出手打救，而債權轉為有抵押品嘅「非標準化債權」可解決違約問題之餘，亦可解決短期流動性危機，釋出一個利好訊號。
不過，William提醒，雖然賣樓、爛尾樓、去庫存等問題，可以比時間慢慢消化，而瑞銀亦對內房行業睇法轉為正面，但要回復至未爆發危機前仍然需要一段時間。
