【Now財經台】截至早上11時止，1小時內《彭博》用戶關注度上升最多港股，依次為萬科企業(02202)、蒙牛乳業(02319)、港交所(00388)、新鴻基地產(00016)、銀河娛樂(00027)。
內房股再度受壓，昨日(26日)跑出急彈嘅物管股又變彈散，其中，萬科跌逾3%，集團境內外債價都要跌，據《彭博》數據顯示，萬科兩隻美元債繼續跌，其中1隻2025年到期，票面息3.15厘美元債，錄得1個月以來最大跌幅，萬科仲係未走出困局？
富途證券高級策略師譚智樂指，對內房股嚟講要走出谷底係比較難，亦係內地經濟現時最大困擾，雖然中央已推出一系列政策，例如下調5年期以上貸款市場報價利率(LPR)，但實際上主要係幫助內地居民，所以集團實際資金流都會偏緊，就算依家市況氣氛好轉，唔代表股價可以立即反彈。
Arnold又話，睇返依家市場嘅情況，個別內房股或擔心有違約風險嘅股份，投資者都要加倍小心。
