【Now財經台】截至早上10時45分止，1小時內《彭博》用戶搜尋量最多港股，依次為華南城(01668)、萬科企業(02202)、美高梅中國(02282)、中國海外發展(00688)及新鴻基地產(00016)。
本地地產股新地今日(15日)上榜，股價暫時逆市偏軟，集團旗下啟德新盤「天璽‧海」今日下晝會舉行新聞發布會，公布最新銷售部署，呢個係新地今年首個全新盤，項目分兩期，合共提供439個單位，呢個都算係矚目新盤，係咪可以幫股價「沖喜」?
椽盛資本投資總監曾永堅指，市場關注呢個新盤定價，會唔會係變相劈價套現，加上啟德係供應重鎮，發展商嘅銷售策略會直接影響周邊同業嘅推盤策略，加上之前已有大型發展商減價推盤，因此，要留意會唔會有其他發展商跟隨減價賣樓，呢個都會影響本地地產股後市走勢。
