【Now財經台】截至早上11時止，1小時內《彭博》用戶搜尋量最多港股，依次為聯想集團(00992)、瑞聲科技(02018)、銀河娛樂(00027)、萬科企業(02202)及中國海洋石油(00883)。
連續3日上榜嘅中海油上調今年指引，淨產量目標700萬至720萬桶油當量，但預期會令資本預算上升，大行仍一致唱好集團，滙豐證券睇好未來3年產量指引繼續帶動盈利增長，而國企改革及回購計劃亦有助提升股東回報，高盛更估計，今年股息率達10厘，中海油股價今早繼續破頂，上升動力係咪可以持續？
大華繼顯執行董事梁偉源指，即使中海油資本開支或會增加，但集團現金流十分強勁，因此，唔會對財務狀況有太大影響，若政策繼續鼓勵投資者入市，中特估概念股會有一定優勢，因為中特估概念股估值平、派息率高，加上可見嘅收入前景透明度高，預期中海油股價會繼續跑贏大市。
