【now.com財經】上個星期五(1月19日)見指數喺小時圖唔過20線之後，恒指熊(66772)比出，平均買入價為0.047元，同時Keep住借小時圖唔過20線而hold住(66772)，不過午後返嚟見到指數連10線都無埋，去到臨收市前10分鐘係仲係低走於10線，(66772)唔過Weekend之下選擇離場。
如常的用10分鐘土(66772)的話，按期內(66772)高低位做過0.062元/0.058元，平均走貨價為0.06元，呢一趟平均賺13格或27.66%。相信玩恒指嘅都開始心裡面有一種新嘅信仰：「遠熊證與你同在」。
天文台喺周末再三降低嚟緊呢幾日嘅天氣預測，今朝見新聞話聽日最新嘅預測溫度係得7度，市區喎，新界再低多兩三度，本來上次12月底凍完之後回返上廿度樓上時，收起嘅厚墊同暖爐，今日都要重出江湖，寧原搬多次出嚟都唔想我家肥貓凍親。
恒指今朝開市升40點後，及至正式開市指數開市後即見高開低走，截到依家9點39分，恒指只係用咗三分鐘時間將指數推跌53點，低見15,255點，作戰室嚟咗新戰友，通常都要少少時間適應，唔怕嘅，見到其他戰友一早淡倉又報喜，而且互相幫忙之下，應該會好Pack up。
依家9點44分，恒指Keep住見紅，喺呢個專欄度繼續用返小時圖嚟睇線走位啦，今朝其實喺作戰室Mark過借小時圖10線同底線約15,200點呢個Range上落先，而依家見指數暫時最高見15,362點，有稍稍高於小時圖10線(9點46分@15,351點)，至於下方底線，喺9點54分見指數已經壓返落去15,200點樓下水平，比較想知嘅係小時圖上保歷加通道口肯唔肯拓闊，肯嘅話就真係仲有位向下行。
恒指熊(66913)，收回價15,600點，同現價有約330點距離好勇嘅Day Trade熊，同一收回價中槓桿最高，有約38.16倍，旦願小時圖保歷加通道口拓闊而指數可以向下確認定過底線，咁(66913)就可以出場啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
