【Now財經台】截至早上11時止，1小時內《彭博》全球用戶關注度上升最多首5隻港股，依次為新世界發展(00017)、碧桂園(02007)、百度集團(09888)、阿里巴巴(09988)、小鵬汽車(09868)。
本地地產股罕有登上《彭博》全球搜尋榜首，新世界今日(23日)除淨，除去因為出售同系新創建集團(00659)持股，套現超過200億元後，派發1.59元特別息，新世界早段曾大跌近7%，中午收市仍跌近4%，報13.38元，新創建股價更急挫逾11%。
第一上海首席策略師葉尚志表示，除淨日股價跌好正常，但新世界今朝除淨後仍見到有沽壓，相信係因為市場尚未恢復對集團嘅信心，所以集團確認出售持股後投資者即掟貨。
葉尚志認為，困擾本地地產股嘅不明朗因素，包括高息口、本港樓市疲弱、公司自身債務水平高企等未完全消除，不過，新世界股價正處於6至7年低位，現水平吸納未必夠穩陣但值博，投資者可以考慮小注買入。
