【Now財經台】家用電力設備股炒起,其中,創科實業(00669)股價勁升10%,升穿100天線,成功突破80元關口,美國通脹放緩,對零售業可能係好消息,創科股價仲有幾多水位?可唔可以補埋8月被沽空機構狙擊嘅下跌裂口?
元宇證券投資總監林嘉麒指,創科要向上衝,基本面必須全面好轉,即使今日升穿100天線,但集團上半年表現差,加上近期更一直被沽空,唔排除股價升到8月裂口時再被沽空。
KK又話,長線投資者依家唔會喺經濟唔明朗下,貿然買入呢類股份,因此,創科股價會續受制於大裂口,不過,後市仍有機會升至85元水平,但要完全修補裂口,即上到95元水平嘅機會好微。