【Now財經台】截至早上11時止，1小時內《彭博》用戶關注度上升最多首5隻港股，依次為阿里巴巴(09988)、騰訊控股(00700)、萬科企業(02202)、新奧能源(02688)、小米集團(01810)。
新上榜嘅新奧今朝股價一度跌逾3%，低見58.9元，因集團開市前出通告，提出今日(8日)起計1個月內，回購最多1.5億美元2030年到期嘅優先票據。
資深證券分析師彭偉新分析指，新奧回購票據有助去槓桿，以及減少未來整體利息支出，對公司嚟講應該係好事，但點解股價今朝受壓？Castor認為，可能係市場睇淡新奧前景，認為集團都預期未來冇乜發展機會，先會用手頭資金買返票據。
Castor又指，新奧股價近月一直受制於50天線，反彈乏力，相信股價一日未破50天線，投資者都唔會吼呢隻股份。
