【Now財經台】截至早上11時止，1小時內《彭博》用戶關注度上升最多港股，依次為中國人壽(02628)、萬科企業(02202)、阿里巴巴(09988)、騰訊控股(00700)、渣打集團(02888)。
國壽昨日(27日)出咗第3季業績，純利暴跌99%，首3季純利亦跌48%，估計係投資方面出咗問題，但值得留意係，期內上證綜合指數及滬深300指數其實唔係跌得好誇張，係咪反映出國壽本身嘅投資組合「出事」？
大華繼顯執行董事梁偉源指，雖然國壽冇透露投資組合細節，但市場估計應有唔少涉及房地產嘅投資，而過去呢3個季度內房A股及相關債券跌咗好多，所以有理由懷疑投資組合中，有唔少呢啲產品，導致投資收益大減。
但Steven估計，國壽等內險第4季投資表現應該會好返啲，因為過去兩三個月內地推出好多政策，包括中央匯金入市撐A股等，上證指數好大機會已經見咗底。內房方面，唔少美元債或相關股票嘅價值已經跌到好殘，再進一步大跌機會唔大。
